મલેશિયા-બે હેલિકોપ્ટર અથડાયા: 10નાં કરુણ મોત
- 23 Apr, 2024
મલેશિયામાં બે નેવીના હેલિકોપ્ટરની ટક્કર થતા અકસ્માત સર્જાયો છે. આ દુર્ઘટનામાં 10 લોકોના મોત થયા છે. મલેશિયાની રોયલ મલેશિયાઈ નેવીના વાર્ષિક કાર્યક્રમના રિહર્સલ દરમિયાન બંને મેલિટ્રીના હેલિકોપ્ટર સામ-સામે અથડાયા હતા.
નેવીનું આ રિહર્સલ મંગળવારે લુમુટના રોયલ મલેશિયન નેવી સ્ટેડિયમમાં થઈ રહ્યું હતું. આ ઘટનાનો વીડિયો હાલ સોશિયલ મીડિયામાં વાઈરલ થઈ રહ્યો છે. જેમાં એક હેલિકોપ્ટર સાથે બીજા હેલિકોપ્ટરની ટક્કર થતી હોય તેવું સ્પષ્ટ જોઈ શકાય છે. આ બંને હેલિકોપ્ટર ફેનેક એમ502-6 અને એચઓએમ એમ 503-3 હતા. પ્રથમ હેલિકોપ્ટર ક્રેશ થઈને સ્ટેડિયમના દાદરા પર પડ્યું હતું. જ્યારે બીજું સ્વમિંગ પુલમાં જઈને પડ્યું હતું.
મલેશિયાએ નેવીએ ઘટના પર શું કહ્યું?
મલેશિયાઈ નેવીએ આ ઘટના પર નિવેદન બહાર પાડતા કહ્યું હતું કે નેવીની 90મી વર્ષગાંઠ પર ત્રણથી પાંચ મેની વચ્ચે થનારી સૈન્ય પરેડનું રિહર્સલ થઈ રહ્યું હતું. આ ઘટનામાં નેવીએ દસ લોકોના મોત થયા હોવાની પુષ્ટી કરી છે. દુર્ઘટનામાં મૃત્યુ પામેલા તમામ લોકો હેલિકોપ્ટરમાં બેઠેલા ક્રૂ મેમ્બર્સ હતા. શબોને ઓળખ માટે એરબેસ પર મોકલવામાં આવ્યા છે. આ ઘટના મંગળવારે સ્થાનિક સમય મુજબ 9.32 વાગ્યે બની હતી.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ